Zîndanê Tarsusî de Nevzat Aslanî waşt kênaya xo Nurcan Aslane reyde pêvînayîş bikero, la gardîyanan asteng kerd.

Nevzat Aslan seba ke kênaya xo Nurcan Aslane Zîndanê Tarsusî zîyaret bikero, şî Mersîn la bi hawayêkê keyfî heqê ci yê pêvînayîşî ame binpaykerdene.

Aslanî dîyar kerd ke wexto ke o şîyo zîndan, gardîyanan o vindarnayo. Babî Aslanî vat: “Saeta ma ya pêvînayîşî 13.00 bîye. Gardîyanan bi hawayêkê keyfî ez vindarnaya. Dima mi sebebê ney pers kerd û înan vat ke gardîyanî hê nanî wenê. Wexto ke kewtî cayê pêvînayîşî saete 13.15 bîye. Seba ke mi vera ney nêrazîbîyayîşê xo mojna gardîyanî ameyî mi ser. Rixmo ke zere de kamerayê mobese est bîyê înan nêzdî ra ma teqîb kerdî. Seba ke domananê xo bivînê, ma dûrî ra yenê. La ê seba ma saetêke zêde vînenê. Teyna tepişteyî ney keyeyî zî yenê cezakerdene.”