Îsmaîl Tuzuno ke Zîndanê Kirşehîrî yê bi Asayîşê Berzî de maneno, ewro birayê ci reyde pêvînayîşê telefonî kerd. Tuzuno ke 20 serrî yo tepişte yo vat ke 26ê tebaxe de vera şanî hucreya înan ameye sereştene. Ey û embazanê ci rê bê bahane îşkence ame kerdene û ê erzîyayî hucreya yew kesî.

Tepişteyan derheqê babete de Mudirê Zîndanê Kirşehîrî yê bi Asayîşê Berzî reyde pêvînayîş kerdo. Mudirî vato ke talîmat ey dayo. Tepişte Tuzunî ard ziwan ke hucreyê ke ê tede vindenê, hertim raştê sereştişan yenê û mudirîya zîndanî qestî provokasyonan virazena. Verê cû zî eynî zîndan de problemê gêrayîşê viranî û îşkenceyî qewimîyabî.

Tepişte Îsmaîl Tuzunî wina qisey kerd: “Ma derheqê asayîşê ganê xo de qesawet kenê. Bi keyfîyetê mudirê zîndanî nê caardişê bêqanûnî û duştê rûmetê merdimî hertim qewimîyenê. Ma vera nê caardişan hetkarîya huqûqî wazenê.”