Şikdaro yewine ê vînîbîyayişê Gulîstan Dokuye, Zaînal Abarakov ame destbendkerdene.

Wendekara Unîversîteya Munzurî Gulîstan Dokuye 5ê çeleyî ra nata vînbîyaye ya. Netîceya xebetanê cigêrayîşî Gulîstane ra rêçêk nêame dîyene û tehqîqatê serdozgerîye zî aver nêşino. Vindîbîyayîşê Dokuye ra dima vejîya raşte ke Dokuye tewr peynî Zaynal Abarokî reyde telefon de qisey kerda. Zaynal Abarok eslê xora kesêko Rûsî yo. Dima ra dadîya ci Dêrsim de polîsêk bi nameyê Engin Yucerî reyde zewicîyaya. Heta nika derheqê keso şikin Zaînal Abarakovî ke pêroyê delîlan ci nîşan danî de tu tehqîqatêk nêdîyayo dest pêkerdene. Yucerî ke sey babîyê Abakarovî yeno zanayene şewêk saetanê şewe de keyeyê xo yê ke Taxa Ataturkî de bî ra bar kerd û şî.

Roja vînîbîyayîşê Dokuye ra nata keso şikin ê vînîbîyayîşê Dokuye, Zaînal Abarakovo ke qet nêameybî destbendkerdene, îfadeyê ci nêameybî girewtene û derheqê ci de tehqîqat nêameybî akerdene çarçeweya tehqîqato ke derheqê vînîbîyayîşê Dokuye de ameybî akerdene qezaya Antalya ya Alanya de ame destbendkerdene. Polîsan Abarakovî tewrê xo berdî Mudirîya Polîsan ya Alanya û yeno pawitiş ke bi SEGBÎSî îfadeyê ci bêro girewtene. DÊRSIM