Sazûmankarê Weqfa Hîranûr a girêdayî Cemata Îsamîlaga Yûsûf Ziya Gumuşel, destûr dabû ku mirîdê wî Kadîr Îsteklî di 6 saliya wê de keça wî H.K.G tacîz û tecawiz bike. Piştre jî keça xwe di 13 saliya wê de bi Îsteklî re dabû zewicandin. Piştî ku ev derket holê li dijî vê rewşê gelek bertek hatin nîşandan.
Li ser van bertekan, desthilata AKP-MHP’ê ku haya wan ji vê tacîz û tecawizê hebû, bi daraza tirk biryara binçavkirina Yûsûf Ziya Gumuşel û “zavê” wî Kadîr Îsteklî da. Kadîr Îsteklî duh û Yûsûf Ziya Gumuşel jî îro vê sibehê li Stenbolê hatin binçavkirin.
Piştî ku îfadeyên wan li Miduriyeta Polisan a Stenbolê hat girtin sewqî dozgeriyê hatin kirin û ji vir jî sewqî Duyemîn Dadgeha Cezayê Giran a Anadoluya Stenbolê hatin kirin. Dadgehê der barê Gumuşel û Îsteklî de bi sûcê “êrişa cinsî” û “îstîsmara cinsî ya li dijî zarok” biryara girtinê da.
