Yekîtiya Ragihandina Jin (YRJ) ya Bakur û Rojhilatê Sûriyeyê, di 12’yê Tebaxê de li dijî cezayên darvekirinê ku rejîma Îranê da rojnameger Pexşan Ezîzî û Şerîfe Muhammedî kampanya îmzeyan ya ‘Na ji darvekirinê re’ bi daxuyaniyekê ragihand. YRJ’ê encama kampanyayê ku ji aliyê gelek saziyan ve piştgirî hat dayîn, bi daxuyaniyekê ragihand. Daxuyaniya encamê kampanyayê ji aliyê rojnamevan û endama Meclisa YRJ’ê Sorgul Şêxo ve û ya bi Erebî ji aliyê Endama Desteya Rêveber a YRJ’ê Xetîce Mirza ve hat xwendin.
Daxuyanî wiha bû: “Me wekî rojnamevanên jin ên li Herêma Bakur û Rojhilatê Sûriyeyê ku di bin sîwaneya Yekîtiya Ragihandina Jin (YRJ) de kar û xebatê dimeşînin, li hemberî kiryarên dewleta Îranê û dayîna cezayê darvekirinê li dijî çalakvana mafên mirovan Şerîfe Muhammedî û rojnamevan Pexşan Ezîzî kampanyaya komkirina îmzeyan dabû destpêkirin. Kampanyaya me 12’ê Tebaxê bi dirûşmeya “Na ji darvekirinê re” dest pê kir.
Kampanya li gelek deveran deng veda
Kampanyaya me di raya giştî ya Herêma Bakurê û Rojhilatê Sûriyeyê, Kurdistanê, welatên Rojhilata Navîn, Asya û Afrîkayê de deng veda. Biryar bû ku kampanya 19’ê Tebaxê bi dawî bibe, lê li ser daxwaza gelek sazî û çalakvanên mafên jinan a tevlêbûnê, me dema kampanyayê dirêj kir.
Kampanyaya ku 14 rojan dewam kir, îro (26’ê Tebaxê) bi dawî bû. Komîteyên me yên têkildar ji dehan saziyên ragihandinê yên jin, saziyên civaka sivîl ên jinan û saziyên hiqûqî îmze wergirtin.
36 hezar û 398 îmze hatin komkirin
Di encama kampanyayê de ji rojnamevan, endamên saziyên sivîl, jinan, saziyên hiqûqî yên ji Herêma Bakur û Rojhilatê Sûriyeyê, her çar aliyên Kurdistanê, welatên Rojhilata Navîn ên wekî Lubnan, Misir, Mexirb, Tunis û welatên Ewropayê 36 hezar û 398 îmze hatin komkirin. Kesên ku îmzeyên xwe dane, siyasetmedar, rewşenbîr, çalakvan, rojnamevan, endamên saziyên sivîl, rêxistinên jinan û saziyên hiqûqî û kesayetên serbixwe bûn.
Sazî û rêxistinên ku tev li kampanyayê bûne ev in:
Rêxistinên Kongra Star a Bakur- Rojhilatê Sûriyeyê û Ewropayê
Meclisa Jinan a Sûriyeyê
Kombûna Jinan a Zenûbiya
Komîteya Jinan a Meclisa Malbatên Şehîdan a Herêma Bakur û Rojhilatê Sûriyeyê
Nivîsgeha Jinan a Tevgera Civaka Demokratîk (TEV-DED
Navenda Lêkolînên Jineolojiya
Weqfa Jina Azad
Rêxistina Sara
Aboriya Jinan
Meclisa Jinan a Bakur û Rojhilatê Sûriyeyê
Rêveberiya Xweser a Kantona Minbicê
Partiya Yekitiya Demokratîk (PYD)
Partiya Nûjen û Demokratîk
Partiya Aştiya Demokratîk a Kurdistanê
Partiya Demoqrat a Kurdî ya Sûrî
Partiya Muhafezkaran
Komeleya Sawişka ya Jinan
Partiya Yekitiya Suryan
Yekitiya Jinên Suryanî
Akademiya Civaka Demokratîk
Meclisa Edaleta Civakî
Partiya Sûriyeya Pêşerojê
Hêzên Parastina Civakî HPC
Nivîsgeha Jin a Tevgera Civaka Demokratîk
Partiya Avakirin û Pêşxistinê ya Sûriyeyê
Partiya Welatparêzên Azad
Meclisa Siyasî ya Şoreşgerî
Tevgera Pêşeroja Kurdistanê
Partî Demokratîk Kurdistanî-Sûrî
Pirtûkxaneya Herekol
Keskesora Alan
Partiya Kesk a Demokrat
Ermenên Herêma Bakur û Rojhilatê Sûriyeyê
Tûra Fermandarên Aştiyê ya Jinan
Navenda Lêkolînan û Parastina Mafên Jinan
Yekitiya Jinên Êzidî yên Rojava
Desteyên Jinan ên Kantonên Herêma Bakur û Rojhilatê Sûriyeyê
Rêveberiya Xweser a Kantona Tebqayê
Heyva Sor a Kurd
Tevgera Hîlala Zêrîn
Parêzer û bijîşkên ji tevahî kantonan
Desteya Perwerde Fêrkirinê ya Herêma Bakur û Rojhilatê Sûriyeyê bi tevahî mamosteyên wê
Komeleyên Çerkes û Tirkmanî yên li Minbicê
Tevgera Azadiya Jinên Êzidî (TJAÊ)-Şengal
Weqfa Jinên Êzidî ya Şengalê
Doplomasiya Jinên Êzidî ya Şengalê
Tevgera Çand û Hunerê ya Ewropa
Hiqûnqasên Ewropa
Kombûna Amazîxî ya Cîhanî
Kombûna Piştgiriya Projeyên Çandiniyê-Tûnis
Koordînasyona Mexribê ya Meşa Cîhanî y a Jinan
Rojnamevanên ji Kurdistanê, çalakvanên ji Misir, welatên Ewropa, Başûrê Kurdistanê, Şengal û Lubnanê jî tev li kampanyayê bûn.”
‘Xebata me dê li vir bi dawî nebe’
Di daxuyaniyê de bal lê hat kişandin ku wê îmzeyên hatine komkirin ji saziyên navnetewî re bê şandin û ev agahî hat dayîn: “Em beşdarên kampanyaya xwe agahdar dikin ku em ê lîsteya îmzeyan ji Federasyona Rojnamegerên Navneteweyî, Human Rights Watch û Rêxistina Rojnamevanên Sînornenas re bişîni.
Xebata me dê li vir bi dawî nebe. Li ku derê dibe bila bibe em ê sûc pêkanên li dijî jinan têne ragihînin, ta edalet pêk were û rola pêşang a jinan di civakê de mîsoger bibe.
Wê piştgiriya me ya ji bo serhildana “Jin, Jiyan Azadî” û pêkanîna têgehên wê bidome.”
