Serokê Giştî yê MHPê Devlet Bahçelî di 22yê Cotmehê de cara ewil gotibû ku divê Rêberê PKKê Abdullah Ocalan were Meclisa Tirkiyeyê. Devlet Bahçelî herî dawî got ku divê demildest di navbera Partiya DEMê û Îmraliyê de têkilî bên dayin. Di heman rojê de hevserokên DEMê ji bo li Îmraliyê bi Rêberê PKKê Abdullah Ocalan re hevdîtinê pêk bînin bi nivîskî serî li Wezareta Dadê danbûn.

Wezîrê Dadê yê Dewleta Tirk Yilmaz Tûnç der barê serlêdana nivîskî ya DEM Partiyê de axivî û got: “Pêvajoya nirxandina serlêdanê berdewam dike. Em ê li ser diyarkirina rojeke guncav bixebitin.”