Parlamentera verêne ya HDPyî Sîbele Yîgîtalp ard ziwan ke vilabîyayîşê dormeyanê demokrasî îtîfaqanê Cumhur û Miletî rê fayde keno.

Şaristanê Bernî yê Swîsre de hetê Yewîya Hêzê Demokratîkî ya Ewropa ra panelê ‘Tirkîya de Têkoşînê Demokrasî û Îtîfaqî’ ame kerdene. Parlamentera verêne Sîbele Yîgîtalp qiseykerdişê xo de da zanayene ke vilabîyayîşê dormeyanê demokrasî îtîfaqanê Cumhur û Miletî rê fayde keno û vat: ”Ganî elewî, kurd, cinî, kedkar û pêro terefî yewîya xo xurtêr bikerê.” Sîbele Yîgîtalp dima bale ante hêrişanê vera HDPyî, sûcanê vera şarê Efrînî ser.

Panel de Endama Platformê Yewîya Seba Demokrasî Ayşegule Devecioglu zî qisey kerd û îfade kerd ke Tirkîya de îqtîdar û muxalefet nêeşkenê derdanê şarî rê bibê çare û seba demokrasî tek çare HDP yo.

Serekê Konfederasyonê Yewîya Elewîyan a Ewropa Huseyîn Matî panel de pare kerd ke Ewropa de elewîyî wayîrê heqanê xo yê û ê hê meseleyanê elewîyanê Tirkîya teqîb kenê.

Parlamenterê verênî yê HDPyî Demîr Çelîkî zî moderatorîya panelî kerde.