Xwepêşandanên li Îran û rojhilatê Kurdistanê her diçe berfireh dibe û di saetên şeve de jî dewam kir. Di nava rojê de gelek cihan dikan nehatin vekirin.

Xwepêşandaran li bajarê Neyrîz ê eyaleta Farsê daketin kolanan û qereqolên rejîma Îranê şewitandin.

Li navçeya navendî Nazî Abad a Tehranê gele kes kom bûn û li dijî rejîma Îranê dirûşm berz kirin.

Li aliyê din li bajarê Şîraz, Yasûc û Abadî şer û aloziyên xurt pêk hatin.

Li Meşhed û Şêraz, navçeya Saman ya Parêzgeha Çarmehal û Bextiyarî çalakiyên girseyî pêk hatin.

Niha jî welatiyên bajarê Kirmanşan û Îlan daketine ser rê û agir dadane.

Di saetên êvarî de hêzên rejîma Îranê li Merîwanê welatiyê bi navê Umêd Rawend binçav kir. Hat ragihandin ku Umêd Rawend li Qada Serbaz hat revandin û birine ciheke nediyar. Heta niha ti agahî li ser aqûbeta wî nîne.

Gelê Îlamê ji bo Reza Ezimzadeh ê ku di serhildana gel de jiyana xwe ji dest dabû merasîm li dar xist. Bi hezaran kesên ku beşdarî merasîma cenaze bûn bênavber dirûşmeya “Bimre rejîma Îranê” berz kirin.