Rojnameger-nivîskar Huseyîn Aykol ku du caran xwîn çû ser mejiyê wî, niha li beşa çavdêriya awarte tê ragirtin. Doktorê Huseyîn Aykol têkildarî rewşa wî axivî û got ku xetereya li ser jiyana Huseyîn Aykol didome, di dilê wî de pirsgirêk heye û ji bo piştgiriyê jî dermanan didin Huseyîn Aykol. Doktor, destnîşan kir ku her çend pir kêm jî be hêj xwîn diçe ser mejiyê Huseyîn Aykol, ew hewl didin bi derman pêşiya vê bigirin. Doktor, got ku rewşa Huseyîn Aykol stabîl e. Her wiha destnîşan kir ku ew ê bertekên Huseyîn Aykol ên bêyî derman jî bişopînin.