PDKyî pê waştişê dewleta tirke xerîtaya Kurdistanî Unîversîteya Zaxoyî ra wedarite.
Fakulteya Zanistanê Komelkîyan a Unîversîteya Zaxoyî de 20ê tebaxe de xerîtaya Kurdistanî ya pîle amebî daliqnayene la xerîta vizêr pê bira îdareyê unîversîte wedarîyaye. Herinda xerîtaya Kurdistanî de xerîtaya Başûrê Kurdistanî ameye daliqnayene.
Wezîr Aydin Marufo ke tirkmen o û nêzdîyê dewleta tirke yo, zîyaretê unîversîte de na xerîta dîbî. Goreyê agahîyanê ke ameyê girewtene, Marufî tedaya selahîyetdaran kerde ke xerîta wedarnê. Dima ke waştişê ey resa Rektorîya Unîversîteya Zaxoyî xerîta ameye wedaritene.
Rektorîye derheqê wedaritişê xerîta de eşkerayîyêke daye. Nê serebûtî reyna mojna ke PDK erdê Başûrê Kurdistanî pêşkêşê dewleta tirke kerdo.
