Odeya Bijîşkan a Amedê, ji bo dayîna xelatê li otêleke Yenîşehîra Amedê merasîmek li dar xist. Seroka Konseya Navendî ya Yekîtiya Bijîşkan a Tirk (TTB) Şebnem Korûr Fîncanci bi rêya ZOOM’ê tevli bernameyê bû. Endamê Konseya Navendî ya TTB’ê Halîs Yerlîkaya, nûnerên odeyên bijîşkan ên herêmê, Emîne Şenyaşar û parêzerê malbata Şenyaşarê Hidayet Enak, Parlementer û rêveberên HDP’ê nûnerên CHP, TÎP’ê, Dayikên Aştiyê, nûnerên ÎHD, TÎHV û nûnerên gelek rêxistinên civaka sivîl tevli merasîma xelatdayînê bûn.  Li vir axaftin hatin kirin. Piştî axaftin û xwendina peyaman der barê berxwedana malbata Şenyaşarê ya li ber edliyeyê sînevîzyonek hat pêşandan. Piştî sînevîzyonê Endamê Desteya Rûmetê ya Bilind a TTB’ê Mahmût Ortakaya xelata “Aştî, Dostanî û Demokrasiyê” da Emîne Şenyarê.  Şenyaşar, diyar kir ku malbata Yildiz malbateke tarî ye û dê dev ji têkoşîna xwe ya ji bo edaletê bernedin.

Piştî dayina xelatê merasîm bi dawî bû.