Li Licê ya Amedê Tevgara Jinên Azad (TJA) û Partiya Wekhevî û Demokrasiyê ya Gelan (DEM Parti) ya Licê li dijî fuhuşê li taxan xebat da destpêkirin. Di roja 5’an a xebatê de li taxên Mumîn Axa û Kelvan civîn pêk hatin.
Çarçoveya xebatan de malbat û kafe hatin ziyaretkirin û banga tevlibûna civînan hat kirin. Li mala Şînê ya Mumîn civîn pêk hat. Hevşaredara Licê Dîlek Diyar Ozer, hevserokên DEM Partî ya Amedê, nûnerên Platforma Şiyar Be û gelek kes tevli civînê bûn.
Di civînê de balkişadin ser kemîna hişbir û fuhuşê ya ku ciwanan dixinê û der barê mijarê de nirxandin hatin kirin. Kesên tevli civînê bûn gotin divê ewil xwerexnedayîn bê dayîn û piştre pêşniyar û nirxandin hatin kirin.
