Partîya Çep a Keske Xarpêt de xebatanê xo zêdînena û wazena tewr tay yew parlamenterîye bivisna destî.

Namzed Savaş Erdoganî ard ziwan ke Xarpêt herêma erdlerzî ya û şaristan de meseleya tewr pîle zî awankerdiş o. Erdoganî vat:  “Ma do Xarpêt de seba çareserkerdişê meseleya awankerdişî bixebitê, têbigêrê. Tayî vanê ke ma do hetkarîya komelkîye bibirnê. Ma çareserîyêka mende fikirîyenê. Ma do kesî hewceyê hetkarîyan mekerê.”

Namzede Nûrşat Yeşîle vat: “Xarpêt de meseleya şîdetê vera cinîyan est a, mîqtarê cinîyan ê karkeran kêm o. Partîya ma de sîstemê hemserekîye est o û ma bi têdûştî nêzdîyê cinîyan benê. Coka verê partîya ma de sempatîyêka pîle est a. Cinîyê Xarpêtî wexto ke ma vînenê pê namzedanê xo yê cinîyan kêfweş benê. Xarpêt de meseleya bîne zî ekonomî ya. Seba cinîyan na mesele zî di qatêr giran a.”

Namzed Hadî Konarî vat: “Ma şorê kamca polîsî tede yenê cakerdene. Bi nê hawayî merdiman û ma rê tedaya psîkolojîke yena kerdene. Bi serran o na rewşe wina ya. Ez bi serran o Xarpêt de mîyanê komelî de ya. Tim tîya de potansîyelê ma yê parlamenterîye estbî. La narey ma hêvî kenê ke zaf parlamenterîyan bivisnê destî. Ma seba ney xîret kenê.”