Wezîrê parastinê yê Amerîkayê Lloyd Austin piştî çend rojan dest bi gerekê li Rojhilata Navîn dike. Di wê gerê de dê bi serokên Îsraîl, Qeter û Behreynê û hêzên Amerîka yên li herêmê re bicive.

Berdevkê Pentagonê Patick Ryder ev agahî di civîneke çapemeniyê de parve kir. Ryder got: “Austin dê hefteya bê biçe Rojhilata Navîn, ji bo ku bi serokên Behreyn, Qeter û Îsraîlê re bicive. Her wiha dê bi hêzên me yên li wir re jî bicive.”

Ryder wiha domand: “Çalakiyên Hûsiyan (Ensarûllah) îstiqrarê têk dibin, xeternak in. Diyar e ku qanûnên navneteweyî binpê dikin.”