Li gorî nûçeyeke ajansa Sputnikê wezîrê Karê Derve yê Sûriyeyê Feysel Miqdad îro gihaye Îranê û dê sibê bi Wezîrê Karên Derve yê Îranê Emîr Abdulheyan re hevdîtinê bike.
Balkêşe ku serdana Feysel El Miqdad di demekê wiha de pêk hatiye ku di heman rojê de lûtkeya sê alî a derbarê hevdîtinên Astanayê de di navbera Serokê Rûsyayê, Tirkiyeyê û Îranê de pêk tê.
Hêjayî gotinê ye ku dê hevdîtina Miqdad û Abduheyan piştî lûtkeya di navbera Valademîr Putîn, Tayip Erdogan û Ibrahîm Reîsî de pêk were. Bi gotineke din mirov dikare bêje ku li gorî encamên wê lûtkeyê dê helwesta wan û biryarên ku ji wê civînê derkevin ragihînin rayedarên Sûriyeyê.
Di 18’ê tîrmehê de serokê Rûsayayê Vlademîr Putîn û yê Tirkiyeyê Tayip Erdogan gihabûn tehranê û îro li Tehranê bi serokê Îranê Ibrahîm Reîsî re dest bi hevdîtinan dikin.
