Rojnamegerî Gulîstan Tara û Hêro Bahadîne 23yê tebaxe de, Silêmanî de hetê dewleta tirke ra bi hêrişê hewayî amebî qetilkerdene.
Komêka rojnamegeran vengdayîşê ROJÎN û Înîsîyatîfê Rojnamegeranê Kurdîstanî ser o seba Tara û Bahadîne Ewropa ra şîyî Silêmanî. Heyetê rojnamegeran do hîrê rojan şaristan de pêvînayîşan bikero.
Heyeto ke Alîce Magar, Emma Audrey, Diler Akreyî, Hendrîn Faraj Mohamed, Jallan Zîaeî û Devrîm Alp ra yeno pê ewro Walîyê Silêmanî Heval Ebûbekîrî de ronişt.
Kombîyayîş de rewşa rojnamegeranê Herêma Kurdîstanî û qesawetî ameyî nîqaşkerdene û ame parekerdene ke ganî rojnamegerî pêro hêrişan û gefan ra bêrê pawitene.
Heyetî Tara û Bahadîne yad kerdî.
