Walîtiya Şirnexê li navçeya Elkê ya Şirnexê ketin û derketina 4 herêman di navbera 29’ê tîrmehê û 4’ê tebaxê de qedexe kir. Walîtiyê daxuyaniyek nivîskî parve kir û wiha got: “Herêmên di navbera Çemê Red (Çoltara Gundê Bilbêsê), Girê Okuzbûrûn, Çemê Kanîreş, Çemê Balli ji bo 7 rojan di navbera dîrokên 29’ê tîrmehê 2023’yan saet 17.00’an de heta 4’ê tebaxa 2023’yan saet di 24.00’an de hatin qedexekirin. Ketin û derketin û hemû xebatên sivîl hatine qedexekirin.”
Walîtîyê li herêmên di navbera Girê Dona, Girê Meşkûl, Girê Çali, Girê Avasipî, Girê Kel, Girê Ûç, Girê Berereş, Girê Memê, Girê Dolap, Çemê Gilatê, Pişta Mûjilî yên gundê Elemûnê yê navçeya Qilebanê jî ji bo 15 rojan di navbera 27’ê tîrmeha 2023’yan de saet di 19.00’an de û 10’ê tebaxa 2023’yan saet 24.00’an de ketin û derketin û hemû xebatên sivîlan qedexe kiribûn.
