Dadîyê ke Wan de çalakîya Nobeta Edaletî kenê, venga hukmatî danê ke wa waştişê tepişteyan bêrê qebulkerdene.

Wan de seba paştdayîşê grevê vêşanîye serkêşîya TUHAY-DERî de 7 rojî yo Nobeta Edaletî yena kerdene. Dadîyê ke beşdarê nobete bîyê ANFyî rê qisey kerd.

Dayîke Eynîye Atabay vat: “Di domanê ma grevê vêşanîye de yê ke wa Abdullah Ocalan keye û avûkatanê xo bivîno. Ma zî seba paştdayîşê domananê xo tîya de yê. Wa tecrîd hînî bêro wedaritene. Ma sey dadîyan venga hukmatî danê ke wa nê şerî biqedîno, wa domanê ma nêmirê. Ma aştîye û edaletî wazenê.”

Dayîke Yildiz Tuncere vat: “Ma xoverdayîşê zîndanan selam kenê. Sey dadîyan ma vanê ke wa tecrîd bêro wedaritene. Şarê kurdî ney wazeno. Ma tîya de benê vengê tepişteyan. Ganî şarê ma verê grevê vêşanîye yê tepişteyan de bêveng nêmano. Wa waştişê tepişteyan bêrê qebulkerdene.”