Amed de mitîngê 1ê Gulane bi pêşengîya DÎSK, TMMOB, Odeya Tabîban a Amedî Meydanê Îstasyonî de mîtîngê 1ê Gulane ame viraştiş. Amed de bi hezaran karker û kedkaran bi şîarê “Ma semedê azadîya kede û komelê demokratîkî 1ê Gulane de Meydanê Îstasyonî yê de” roşanê 1ê Gulane pîroz kerd.

Êyê ke tewr mitinga 1ê Gulan bîyê înan ra Hamît Şalo, Mamoste Suleyman Yilmaz û Aykan Alaca rojnameyê ma rê qiseyî kerdî.

1ê Gulane rojê têkoşîno û paştîdayîş o

Derheqê yewê Gulane de Rayberê DBP’î yê Amedî Hamît Şaloyî vat ke eyro 1ê Gulane rojê xebatkaran û kedkaranê heme cîhanî yo û wîna vat. “Heme dinya de eyro roj qeybê heqê xo hiqûqê xo însanetîya xo pêyro  payrayê. Na heyana  demokrasi nêro, ma xo têkoşîn bidomîyê. Ma kurdî vanê; heyana heqê hiqûqê xo fermîyete de nêro qebulkerdiş, têkoşîna ma dewam bika. Hêvîya ma esto ke heqê û hiqûqê xo bidê  qebûlkerdiş. Hêvîya ma esta ke ma heqê hiqûqê bidê dinîya ra bidê sinasnayîş. Eke demokrasî çinê bo hiqûq mirdimayî çinêbo se, ney heqê miletetan kedkaran cenîyan nîno qebûlkerdiş. Ganî ma yew bîbê qeybê demokrasi çi bibo ma bikerê, ganî ma zî demokrasîya xo awan bikerê û quwetê xo yew bikerê. Wexto ke ma demokrasîya xo awan bikerê, heqê ma zî yeno ca.  Heme miletê bindestî ayê heqê înan yenê înkarkerdiş, ma rojê 1ê Gulene de yew bibê û xebata têkoşîna xo xort bikerê.”

Polîtîkaya înkarî dewam kena

Hewna Mamoste Suleyman Yilmaz dîyar kerd ke eyro Tirkîya û Cîhane de, Roşanê Kedkaran pîroz beno û wina domna: “Ez 1ê Gulane Roşanê kedkaran pîroz kena. Ma zanê ke Tirkîye de heq, huqûq û edalet çin o, demokrasi çin o. Polîtîkaya înkarî dewam kena. Yewna het ra yew şer zî dewam keno. Ganî heme ciwanî, karkerî vera patroanan de têkoşîna xo xort  bikerê. Hewce keno ke karkerî, karmendî, ciwanî, cinîyî, dewijî, bêkarî heme mexdûrê Tirkîye rêxistin bibê û têkoşînê heq, huqûq û demokrasi bide. Eke heq, huqûq, demokrasî û aştî çin bo, meseleya kurdan çareser nêbena, bêseyyewbînanî û kedwerdoxîye dewam kena. Wa biciwîyo Yewê Gulane.”

Mana 1ê Gulane tarîxî ya

Hemwelatij Aykan Alaca zî wina ard ziwan: “Bi taybetî  şarê kurd rayîrê çareserîya demokratîk û aştî de israr kenê û ma kurdî Rohelato Mîyanênî de muhîmîya stratejîkî de manaya û muhîmîya 1ê Gulane hîna zaf tarîxî arz kena. Manaya û muhîya  babeta 1ê Gulane de heyana eyro  ma zaf muhîmey nêdayî. Munasebetê nê rojî de ancî zî paştîdayîşê enternasyonalizmî ra keda pîrozî ya. Birêz Abdullah Ocalanî vatê: ‘Vengdayîşê komelî û aştî ra sosyalizm de israr nêbo se, nêbeno û bi raştîya xo de ma hîs kenê.’ Munasebetê nê rojî de ancî zî paştîdayîşê enternasyonalime ra keda pîrozî û azadbîyîşê  wertaxîya xelisyayîşî şarana. Vengdayîşê Rayverê Şarê Kurd eyro hîna zaf muhîmî arz kena. Fambîyîşê dogmatika demokratîk sosyalizme nêro fambîyîş, herêmîya ma de vengdayîşê raştîya teorîya helqaya zeyîfa merdimî hîna zaf hêvîdar beno. Eyro têkoşîna şarê kurd Şorişîya Citmengî ra Sovyetî ra hîna vêşî  badorî viraşta. Heme çîy ra înat serkewtişê bawerîya ma de raştîya netewbîyîşê demokratîka sosyalizmî de manaya nê rojan pîrozî ya.”