Namzeta Wanî ya Partîya Çep a Keske Gulderen Varli ard ziwan ke şaro kurd do bi nasnameyê xo cuyêka azade awan bikero.

Varli pare kerd ke Gelîya Zîlane de têkoşînê azadîye tim est bîyo, la şîdetê dewlete û camêrdan zî qetî nêkêmîyayo. Varliye wina vat: “Coka mi verê xo da xebatanê rêxistinkerdişê cinîyan. Dima heta ke qeyûm ame, wextê hemşaredarîya xo de ma seba cinîyan xebatê qîmetînî kerdî. Ma Wan de xebatê yewîya neteweyîye û ziwanê dayîke meydanan de kerdî. Ma bi têkoşînê xo kenê ke bi kultur, hişmendî û tecrubeyanê welatperwerîye cinîyê kurdî û şaro kurd bi nasnameyê xo cuyêka azade awan bikerê. Ez do bikera ke polîtîkayanê qirkerdişê cinîyan pûç bikera. Ez do bikera ke kurdî bieşkê bi nasnameyê xo mîyanê cuye de xo rêxistin bikerê.”