Vervatoxa Meclîsê Cinîyan ê DEM Partî Halîde Turkoglu xoverdayîşê vera tecrîdê Îmraliyî selam kerd û vat ke DEM Partî û cinîyî do netîceya weçînayîşan dîyar bikerê.

Halîde Turkoglu bale ante ser ke her cayê herême de şer est o û nê şerî tewr zaf tesîrê cinîyan kenê. Halîde Turkoglu vat: “Seba ke nê zemînê şerî wedarnê ganî ma zaf xîret bikerê. Ma sey cinîyan do nê têkoşînî rê dewam bikerê. Çunke bedelê şeran ma danê. Coka ganî ma seba awankerdişê aştîye xîret bikerê.

Vera tecrîdê Îmraliyî û seba çareserîya meseleya kurdan zîndanan de grevê vêşanîye est o. Ma sere de tepişteyanê grevê vêşanîye û dadîyanê Nobeta Azadîye nê xoverdayîşî selam kenê. Ma paştdayîş û têkoşînê edaletî pîlêr bikerê.

Nika verê ma de weçînayîşê herêmîyî est ê. Ma verweçînayîşê xo qedînayî û namzetê xo dîyar kerdî. Cinîyan zaf eleqe mojna verweçînayîşan. Partîya ma partîyêka dîyarkerde ya. Ma do weçînayîşanê herêmîyan de hêzê xo bimojnê. Cinî û partîya ma do netîceya weçînayîşan dîyar bikerê.

Ma do her ca de xo rêxistin bikerê, temsîlîya têdûşte û sîstemê hemserekîye aver berê. Merkezê têkoşînê ma yê cinîyan de rêxistinîya ma ya xosere est a. Ma do pêro şaristanan bikerê ê cinîyan. Tirkîya de faşîzm cinîyan hedef keno. Ma sey hemserekanê DEM Partî verê ney do bigêrê.”