Parlamentera HDPyî ya Amedî Remzîye Tosune vat ke Rayraşîyayîşê Gemlîkî mesajêko baş da û wina îfade kerd: “Hînî sebrê şarê kurdî nêmendo û azadîya Ocalanî wazeno.”

Parlamentera HDPyî ya Amedî Remzîye Tosune polîtîkayê hukmatî ANFyî rê ercnayî û îfade kerd ke ganî mesajo ke Rayraşîyayîşê Gemlîkî de ameyo dayene bi hawayêkê raştî bêro ercnayene.

Parlamentera HDPyî ya Amedî Remzîye Tosune vist vîrî ke Rayberê Şarê Kurdî Abdullah Ocalan 1999î ra nata Zîndanê Îmraliyî de bi hawayêkê giranî binê tecrîdî de yo û vat: “Tecrîd bi taybetî seba ke prosesê çareserîye biqedo ame girankerdene. Tirkîya û Kurdistan zî ameyî tecrîdkerdene. Cinî, doman, ciwan, sîyaseto demokratîk, dezgehê komelê sivîlî ameyî tecrîdkerdene. Nêbo ke merdim tecrîd tena yew hetî ra biercno. Tecrîdê Îmraliyî vilayê her cayî bîyo. Îqtîdar wazeno pê rayîrê tecrîdî polîtîkayanê şerî rê dewam bikero. Iraq, Zap, Şingal de konseptê şerî ano ca. Wazenê îradeyê çar parçeyanê Kurdistanî bişikno.”

Tosune ercnayîşê xo wina dewam kerd: “Rayraşîyayîşê Gemlîkî prosesê winasênî de ame kerdene. Hînî sebrê şarê kurdî nêmendo û azadîya Ocalanî wazeno. Abdullah Ocalan wazeno mîsyonê xo yê aştîye bîyaro ca. La hukmat şer de israr keno. Bi polîtîkayanê şerê taybetî û asîmîlasyonî ê do ser nêkewê. Hukmat çend manîpule bikero zî  Rayraşîyayîşê Gemlîkî de tena qîrayîşê ‘Ma wazenê Abdullah Ocalan azad bibo’ ame eşnawitene. Sere de hukmat ganî her kes nê mesajî hol fam bikero.”