Gelî hêjayan, tiştanok an jî mamik berê di civatan de dihatin gotin. Wê demê şevbêrk û civata gund her şev li odeyekê dibû û dema xwe bi stran, çîrok û çîvanokan derbas dikirin. Yek ji wan jî pirsa van mamik û tiştanokan bû. Vê hejmarê dîsa me çend tiştanok ji we re amade kirine. Bi hêviya ku bi dilê we bin.

1-Tiştek min heye

Çil çit e, çil ber çit e
Çil ode ne û çil mifte
De bêjin ew çi ye?

2-Tiştek min heye

Çil tilî, çil neynûk
Du can û nefesek

3-Tiştek heye

Piyana Şamê erdê ket
Din dinê ket
Ew çi ye?

Çavkanî: Mamikên Botanê
Berhevkar: Rênas Xendekî û Dildar Botî

Bersiv: 1-Qurana Pîroz, 2-Jina Ducanî, 3-Birûsk