Me dîsa ji we re çend tiştanok ango mamikên xweş amade kirine. Bi hêvî me ku bi dilê we bin. Her wiha em dixwazin hûn ji kerema xwe tiştên li ba xwe binivîsin û ji me re rêkin da ku em wan jî biweşînin.
1-Mamê Mino mamanî
Ji goşt û hestî ye
Pênc şax û bi destî ye
Sed û yek huner lê ye
Li heywana pê ye
De bêjin ev çi ye?
2-Tiştek min heye
Cêwî ne li kêlek in
Ne goşt in, lê nermik in
Dengan kom dikin
Hûn dizanin çi ye?
3-Tiştek min heye
Wek stêrkan diçirûske
Deriyê wê wek brûsk e
Rondik davê wek nîsk e
Li ser dileqe brû û bisk e
Ew çi ye gelo?
Bersivên me ev in: 1- Tiliyên destê mirov 2- Guh 3- Çav
Berhevkar: Fergîn Melîk Aykoç
