Navenda Rêveberiya Tevgera Goran têkildarî biryarên doza Kobanê ji Navenda Giştî ya Partiya Wekhevî û Demokrasiyê ya Gelan (DEM Partî) re şand. Goran di peyama xwe de destnîşan kir ku pirsgirêka kurd yek ji mezintirîn û sereketirîn pirsgirêkên Rojhilata Navîn e û di nav de jî Tirkiye û bakurê Kurdistanê ye. Bi domdarî wiha hate gotin: “Mixabin dewleta Tirkiyeyê bi berdewamî çavên xwe ji çareserkirina vê pirsigirêkê re girtiye û hewl dide bi ji nedîtî ve nêzîkî vê babetê bibe.”

Peyam wiha didome: “Bêguman hewldanên wisa ne di berjewendiya Tirkiyeyê de ye û ne jî pirsa kurd bi vê rêbazê çareser dibe, bi van pêngavan tenê qeyran kûrtir dibin û rê ji çareseriyeke aştiyane û demokratîk re tê girtin.

Di dawiya peyamê de wiha tê gotin: “Em weke Tevgera Goran biriyarên ku li ser siyasetmedarên kurd (nexasim yên HDP’î) hatine sepandin bi tundî şermezar dikin û careke din teqezî li vê yekê dikin ku yekane rêya çareserkirina pirsa kurd li Tirkiyê û bakurê Kurdistanê, bidawîkirina tecrîd, destpêkirina pêvajoya diyalog ya aştiyane û demokratîk e.”