Şahîdê Terteleyê Dêrsimî yê 1938î Huseyîn Çelîkî polîtîkaya qirkere ya dewleta tirke rexne kerde û wina vat: “1938 de hende merdimî kişîyayî, bînayî rijîyayî. Ewro zî hetê heman kesan ra xozaya Dêrsimî yena qetilkerdene.”

Funda Çelîka 84 serre ard ziwan ke vera xozaya Dêrsimî polîtîkayê talanî dewam kenê û pê ney qayîl nîyê.

Cinîya 63 serre Esma Toprake zî vat: “Ma dûştê awbendan ê. Wa çew destê xo nêdo xoza ro.”

Şahîdê Terteleyê Dêrsimî Huseyîn Çelîkê 89 serrî wina vat: “1938 de hende merdimî kişîyayî, bînayî rijîyayî. Ewro zî hetê heman kesan ra xozaya Dêrsimî yena qetilkerdene. Verê ney pê mi û pê to nêgêrîyeno. Ganî ma vera nê qetlîamî pîya vinderê.”

Endama ‘Komeleya Hunerê Seba Xoza’ Goksel Ezelturke pare kerd: “Merdimî û xoza hewceyê yewbînan ê. Ewro pêro dinya de qirkerdişê daran û germîye zêdîyenê. Tesîrê nînan do xirab bibê. Vera nê tehlukeyan ganî ma bi rêxistin bibê. Çunke dewlete şarî ney tim sermaye pawena.”