Ramazan Turano hewtay serre yo ke hucreyê yewkesan ê Zîndanê Wanî de ameyêne tepiştene şehîd bi.

Ramazan Turan hewtay serre yo Zîndanê Wanî de rîyê nêweşîya ci ra hucreyê karantîna de ameyêne tepiştene şehîd bi.

Dîya zanayene ke Turanî rîyê krîzê qelbî ra dinyaya xo bedilnaye. Turan 20 rojî verî bi îdîaya endama rêxistine amebi tepiştene û cezaya 6 serran û 3 mengan dîyayebî ci. Îdareyê zîndanî xebere daye keyeyê Turanî ke ey dinyaya xo bedilnaya.  Cenazaya Turanî semedê otopsî ameye berdene Tezgehê Tibê Edlî. Otopsî ra dima do cenaza  Colemêrg de bêro definkerdene.

Lajê Ramazan Turanî Huseyîn Turanî ke derheqê babete zanayîş da vat babîyê ci gama ke kewt zîndan weşûwar bi. Huseyîn Turanî ard ziwan ke ê do badê girewtişê cenaza muameleyanê fermîyan bidê destpêkerdene û vat selahîyetdarî vanê krîzê qelbî yo la ê hema nêzanê sebebê mergî çî yo. WAN