Zîndanê Patnosî de tepişteya sîyasî Mizgîn Kayitbeya ke hewteyê verênî 30 gardîyanan ci rê îşkence kerdbi tedawîya ci nêna kerdene. Mizgîne ard ziwan ke a cuya xo ra qerqilîyena û vengdayîşê hîsgerîye kerd.
Zîndanê Patnosî de hewteyê verênî tepişteya sîyasî Kayitbeye maruza îşkenceyê 30 gardîyanan mendbîye. Mizgîn Kayitbeye nê derban ra dima wedarîyaye nêweşxane la tedawîya ci nêameye kerdene û reyna erşawîyaye nêweşxane. Keyeyê Kayitbeye semedê rewşa kênaya xo muracatê Şubeyê Komeleya Heqê Merdiman (ÎHD) yê Stenbolî kerd.
Kayitbeye pê cezaya muebede yena muhakemekerdene û dosyaya ci mehkemeya îstîsnafî de ya. Îşkenceyî ra semed roniştişê Mizgîne taloqê êlule bi. Mizgîne keyeyê xo reyde pê telefonî qisey kerd û înan rê vat ke a maruza îşkenceyî bîye, pansumanê ci nêno kerdene. Mizgîne Kayitbey telefon de pare kerd ke têna aye rê nê xeylêk tepişteyanê sîyasîyan rê îşkence yeno kerdene. AGIRÎ
