Tekîrdag de 11 sîyasetmedarê kurdî yê bînî ameyî tepiştene. Dîya zanayene ke ronayîş û armancê HDKyî sey bahaneya tepiştişî ameyî mojnayene.
Çarçewa tehqîqatê Serdozgerîya Komare ya Tekîrdagî de îdarekarê HDK û HDPyî zî tede 36 sîyasetmedarî 3ê hezîrane de ameybî destbendkerdene û dima zî 3 sîyasetmedarê bînî zî ameyî destbendkerdene. Pereyî 8 vizêrî zî 11 sîyasetmedarî ameyî tepiştene.
Dîya zanayene ke îfade de sîyasetmedaranê kurdan rê persê sey ‘To zî mîyanê ronîyayîşê HDKyî de ca girewto?’, ‘HDP pê emrê Abdullah Ocalanî ronîyayo?’ ameyî perskerdene. Reyna îfade de înan rê qisey û dîmenê ‘Ronayoxanê HDKyî rê selam bo’ yê Ertugrul Kurkçuyî û armanc û sebebê ronîyayîşê HDKyî ameyî perskerdene.
39 sîyasetmedaran ra Seyît Soydan, Sadî Ozdemîr, Murat Mutlu, Huseyîn Guzel, Omer Guven, Emîn Şen, Saadet Firate û Emîn Orhan pereyî bi îdîaya endamîya rêxistine tepişîyabî. Gulcan Çîgdemlîye, Mercan Hantekîn, Gîzem Kazuke, Hîlal Cîvîl Bakire, Mehmet Mermer, Selahattîn Atay, Mehmet Alî Koseoglu, Eyup Ulgen, Hasan Hergul û Mehmet Bozkir zî bi îdîaya ‘endamîya rêxistine’ ameyî tepiştene.
Wina pawîyeno ke 14 sîyasetmedarê bînî zî ewro vejîyê verê mehkeme.
Hetê bînî ra 19 sîyasetmedaran ra Sadî Ozdemîr se ra 98 astengdar o û Saadet Firate (55) zî nêweşa kanserî ya.
