Keyeyê Gulîstan Dokuye waşt şêro Wezîrîya Edaletî la hetê polîsan ra ame astengkerdene û destur nêdîya ke keye hotelo ke maneno ra vejîyo.
Wendekara Unîversîteya Munzurî Gulîstan Dokuye Dêrsim de 5ê çeleyê 2020î ra nata vînîbîyaye ya. Keyeyê Dokuye seba ke aqîbetê kênaya xo bimuso Dêrsim de ‘Nobeta Edaletî’ dabî destpêkerdene. Dima ra çalakîya xo kirişte Anqara. Dadîya Gulîstane Bedrîye, babî Halît û waka ci Aygul Dokuye waştê Wezîrîya Edaletî de pêvînayîş bikerê la hetê polîsan ra ameyî astengkerdene û destur nêdîya ke keye hotelo ke maneno ra vejîyo.
Polîsê ke destur nêdayê keye hotelî ra bivejîyo, destur nêdayî ojnamegeran ke ê taqîbê xeberan zî bikerî û înan ewja ra dur fînayî. Vindertişê keyeyê Dokuye ê verê hotelî dewam keno. ANQARA
