Afganîstan de 8 cinîyê ke vera rejîmê Talîbanî têkoşîn kenê tepişîyayî.
Ronayoxanê Têgêrayîşê Protestoyî yê Tîma Paştdayîş û Yewîye yê Cinîyan ê Afganan Dr. Zahra Haqparaste eşkerayîyêke daye Ajansê Xeberan ê Cinîyan ê Afganîstanî û sereraşt kerd ke cinîyî hetê hêzanê Talîbanî ra tepişîyayê. Nêzanîyeno ke cinîyî ameyê berdene bi kamca.
Dîmenanê destbendkerdişî de aseno ke endamê Talîbanî pê çekan kewenê zereyê keyeyan û bi bahaneya ‘Vera Talîbanî têkoşîn kenê’ cinîyan destbend kenê.
Nameyê cinîyanê ke tepişîyayê wina yê: Hajar, Hasina Sarvari, Farida Mohib, Tula Atai, Limah û Xatul.
