Li Silêmaniyê hevdîtina giştî ya Yekitiya Nîştimaniya Kurdistanê (YNK) pêk hat. Di roja yekem a hevdîtinê de, Bafil Talebanî weke Serokê YNK’ê hate pênasekirin. Serokê Giştî yê YNK’ê Bafil Talebanî di civata giştî de bal kişande ser siyaseta YNK’ê ya li beramberî parçeyên din ên Kurdistanê û got: “Em ê alîkariya hemû kurdan bikin û li her çar parçeyên Kurdistanê em amadene alîkariya xwişk û birayên xwe bikin. Em xwedî 45 milyon welatî ne, kurd in. Heke kurd yek bin dikarin ji hemû welatan re bêjin na. YNK ne pêveka hizb, welatan e. Heke em bibin yek, kes nikare li hember me bisekine.”

Bafil têkildarî dosya neft û gazê jî wiha axivî: “Em ne li dijî şandina gazê ya ji bo Ewropa ne. Lê, divê dahata gazê di sûda xelkê Kurdistanê de be. Siyasetek dirûst û şefaf hebe.”