Sûdanê serokê berê Omer El Beşîr, wezîrê parastinê Abdulrehîm Muhemed Hisên û waliyê berê yê Kerdevalê Ehmed Harûn radestî Dadgeha Cezayê ya Navneteweyî kir. Wekî tê zanîn dadgeha cezayê der barê van berpirsiyarên berê yên rejîma Sûdanê de gelek doz vekiribûn, endamên rejîma berê bi tawanên komkujî û sûcên dijmirovî tên tewanbarkirin.
Doh Wezîra Karên Derve ya Sûdanê Meryem Sadiq El Mehdî dabû xuyakirin ku Konseya Wezîran biryar daye ku ev kesên ji aliyê Dadgeha Cezayê ya Navneteweyî ve tên xwestin dê werin radestkirin. Her wiha dabû xuyakirin ku ew dê alîkariya Dadgeha Navneteweyî bikin da ku edalet pêk were û ew tawanbar werin cezakirin.
