Şaran û hêzanê demokrasîyî verê xo da warê Newroze yê Yenikapiyê Stenbolî. Warê Newroze ra sloganê semedê Rayberê Şarê Kurdî Abdullah Ocalanî benê berz.

Yenikapiya Stenbolî de Newroze bi şîarê ‘Wext wextê serkewtişî yo’ yena fîrazkerdene. Saetanê serê sibayî ra şaran û hêzanê demokrasîyî her hetê Stenbolî ra verê xo da warê Newroze.

Vejîyayîşê Metroyê Yenikapı û nuqtayanê cigêrayîşî yê polîsan de govende ameye girewtene. Warê şayîye de marşê “Çerxa şoreşê” ameye wendene û slogana Biciwîyo Serek Apo yenê eştene. Komîteya Amadekerdişî ya Newroze zî nuqtaya cigêrayîşî na ro ke wa şayîye bi bê problem bêro kerdene. Rixmê astengkerdişanê keyfîyan ê polîsan şar pê pankart û flamayanê xo kewt savaşı.

Polysat bitaybet dest na atkiyanê ke fotografê Hemserekê Pêroyî yê HDPyî yo verên Selahattîn Demîrtaşî ser o esto, ser. Rixmê serd û sipirî ş hewtî ra heta hewtay şar bi slogananê xoverdayîşî kewt warê şayîye. Kincanê tradîsyonkîyan ê kurdan balya ante xo ser. Şayîye bi deyîran û govende dewam kena. STENBOL