Hemserekê ÎHDyî yê Dêrsimî Gurbuz Solmazî derheqê mergê tepişte Îbrahîm Yildirimî de qisey kerd û wina vat: “Kerdişê neheq û bêhuqûqî yê dewlete kenê ke mergê tepişteyanê nêweşan bizêdîyê.”

Tepişteyo nêweş û astengdar Îbrahîm Yildirimo ke tehlîyeyê ci rê 10 rojî mendbî Zîndanê Xarpêtî de perey şan ame qetilkerdene. Yildirimo ke rixmê nêweşî û astengdarîya xo vera nêdîyayêne, çimêkê ci kor bîbî û çimê ci yo bîn zî se ra 49 dîyayêne.

Cenazaya Yildirimî vizêr Dêrsim de ameye definkerdene.

Zîndanan de tepişteyê nêweşî terkê mergî yenê kerdene û tepişteyê ke nênê tedawîkerdene zîndan de dinyaya xo bedilnenê.

Hemserekê Şubeyê Dêrsimî yê Komela Heqanê Merdiman (ÎHD) Gurbuz Solmazî da zanayene ke rojanê peyênan de zîndanî pê mergan rojdem de yê.

Solmazî pare kerd ke Îbrahîm Yildirim bi giranî nêweş bî û vat: “Tehlîyeyê Yildirimî rê 10 rojî mendbî. Tirkîya de zîndanî hînî vurîyayê bîyê keyeyê mergî. Kerdişê neheq û bêhuqûqî yê dewlete kenê ke mergê tepişteyanê nêweşan bizêdîyê. Ez venga pêro pawitoxanê heqanê merdiman û rêxistinan dana ke seba ke zîndanî nêbê keyeyê mergî seba tepişteyanê nêweşan têbigêrê. Wa pêro tepişteyê nêweşî bêrê veradayene.”