Hemserekê HDPyî yê Basanî Ahmet Aktug bendê cigêrayîşî de maruzê hêrişê polîsan mend. Polîsan Aktugî rê heqaretî kerdî.
Hemserekê HDPyî yê qezaya Basanî yê Şirnexî Ahmet Aktug û îdarekaranê qeza vizêr dewî zîyaret kerdî. Agêrayîş de bendê cigêrayîşî yê Girê Kurtikî de polîsan nasnameyê HDPyî kontrol kerdî. Wextê kontrolî de polîsî qîra Hemserek Aktugî ser û vat: “Meewne dormeyê xo ra.” Altugî polîsan rê reaksîyon da. Dima 3 polîsî wesayîtî ra peya bîyî û şîyî serê Altugî. Polîsan da Ahmet Aktugî ro û ey rê heqaretî kerdî.
Wexto ke heyetê HDPyî vat ‘O hemserekê qeza yo’, polîsan hîna zaf da piro. Aktugî eşkera kerd ke o do gerreyê polîsan bikero û polîsan naye ser o vat: “Şo kamî rê gerre kenî, bikere.”
Heyetî waşt dîmenan bigêrê la polîsan mudaxeleyê înan kerd, dest na telefonan ser û dîmenê ke ameyê girewtene, estiritî.
