Mehmet Erîko ke 20 serrî yo Colemêrg de şiwanetîye keno, derheqê karê xo de wina qisey keno: “Hetê ci yê weşî est bibê zî zaf hetê nê karî yê zehmetî zî est ê. No kar pê wijdane yeno kerdene.”

Şaristan de şiwanetîye menganê nîsane û gulane de dest pêkena û heta teşrîna peyêne dewam kena.

Mehmet Erîko ke 20 serrî yo Colemêrg de şiwanetîye keno, ard ziwan ke karê înan de hetê weşî û hetê zehmetî est ê.

Erîkî da zanayene ke hînî debarkerdiş zehmet bîyo û vat: “Ez pê şiwanetîye debara xo kena. Ma 6 mengan wareyan de manenê. Serê sibayî ez wirzena we, heywanan çêrnena û nêmroje zî înan ana. Dima reyna heywanan bena çêrnayîş û bena verê awe. Rojê ma wina derbaz benê.”

Erîkî pare kerd ke hînî zaf merdimî nê karî nêkenê û vat: “Ciwanî hînî nê karî nêkenê. Coka şiwanetîye hînî nêmanena. Hetê ci yê weşî est bibê zî zaf hetê nê karî yê zehmetî zî est ê. Seba çêrnayîşê heywanan ge-ge ez şewan ranêkewena. No kar pê wijdane yeno kerdene. Ganî ti miqatê heywananê emanetan bibê.”