Semedê azadîya Serekê PKKyî Abdullah Ocalanî şarê Şirnex, Riha û Amedî Rayraşîyayîşê Azadîye yê vera Gemlîkî de vejîya kuçeyan. Polîsê tirkan şarî asteng keno.
Rayraşîyayîş serkêşîya KCD, TJA, DBP, MED TUHAD-FED, MEBYA-DER û HEDEPî de yeno kerdene. Rayraşîyayîşo ke do xeylêk bajaran ra ver bi Gemlîkî bêro kerdene, Riha û Şirnex de dîya destpêkerdene. Parlamenterê HEDEPî Mehmet Zekî Îrmez zî tede şarî verî ke bikewo rayîr eşkerayîye daye.
Eşkerayîye de bale ameye antene tecrîdê giranî yê serê Abdullah Ocalanî ser û ame vatene ke vera nê hemle dîyaye destpêkerdene. Eşkerayîye de nê ameyî vatene: “Ma do sey Botanî verê xo bidê Îmraliyî. Rayraşîyayîşê ma do Amed de dest pê bikero. Waştişê ma oyo ke wa heme rêxistinê demokrasî, hetê demokratîkî tewrê nê rayraşîyayîşî bibê ke wa tecrîd helêke cuwa ver bêro şiknayene. Semedê azadîye û aştîye ma ver bi Gemlîkî rayra şinê.”
Badê eşkerayîye sloganê sey “Bê Serok jiyan nabe” “Tecrîdî rê nê” ameyî vatene. Dima ra wesayîtî kewtî rayîr. Rayraşîyayîş do Mêrdîn û Amedî ser o dewam bikero.
Riha de zî şero ke tewrê Rayraşîyayîşê Azadîye beno Curnê Reşî de ame têhet. Rayraşîyayîşo ke hetê HEDEPî ra ame organîzekerdene bi slogananê “Bijî Serok Apo” û “Bê Serok Jiyan nabe” ver bi Amedî dest pêkerd.
