Bi gorê nasnayîşê çapemenî ra 3yê Tebaxa 2011 de bi nameyê Yilmaz Înşatî ra Maden Nak. No 30. Serrî yo ke falîyetê xo domîyena û 27ê Teşrîne 2019 de Şîrkete dewrê Olmez Dogu Madencîlîk kerdo. Na fîrma sebake kapîseteyê ocaxa madenî hîna vêşî biker o 26ê Temmuza 2022yî de serpirodayeyê Wezîrê Doroverî kerd û Wezîrê Doroverî zî 24ê Tebaxa 2022yî de vera serpirodayîya şîrkete ra cewabê erênî dayo. No sebeb ra zî na şîrkete gêrayîşê xebatê madenî ra 24,94 hektar alanî ra 24 kat xebatê xo hîna vêşî kerdo û 532,77 hektarî xo herayî kerdo. Wayîrê na şirkete zî AKPyij Îsmet Yilmaz o. Yilmaz bi nameyê Fîrmaya Olmez Dogu Madencîlîkî muracat kerdo ke na şirkete de dewîjî xebitîyenê ayera seba hîrakerdişê cayîonay girota.

Seba nê xeripnayîşê xozaya Pîrajmonî ra zaf çalekîyî virazîyayî

Nê warî de derheqê na şîrkete û xerepnayîşê xoza ser ma endamê Komela Pîrajmonî Yê Ardimî Paştîdayîş û Rumetî Hîkmet Karahanî rojnameyê marê qalî kerdî. Hîkmet Karahanî dîyar kerd ke, seba ke serranê 90î de bi hetê dewlete ra dewî veng bîyî û vêşayî nê şîrketi zî serê nê firsetî ra dest bi xebatê gêrayîşê madenî kerd û xoza xeripnaya. Heme dar û beran, cayê rezan, ganîyanê teyrê tûrî ra zerar û ziyan danê û deroverê dewan teng kena û rewşa hewayî xeripnenê û nê sebeb ra nêweşî zî zaf benê.

Dewijan darî ronayî û kampanyaya îmzayan destpê kerde

Karahanî wina vat: “Nê Şîrkete Olmez Madencîlîkî hêzê dewlete giroto peyê xo û alanê 25 hektarî ra kapîseteyê xo veta 520 hektarî. No sebeb ra zî dewijê Pîrajmonijî û dewê bînî pîya bi nameyê Komela Pîrajmonî Yê Ardim Paştîdayîşê û Romiteyî vera qirêjîya şîrkete ra zaf çalaki destpê kerdî û bertekê xo nîşan dayî. STK’yî zîyaret kerdî eşkerayî dayî û dewijan reyde çalakîya roniştişî viraştî. Nê çalakîyan ra rayverîya Komelîya Ekolojî û OHD zîyaret kerdî. Pîya darî ronayî, dest bi kampanyaya îmzayan kerd û waştişnameyî şawitî Walîlîk û Meclîs.”

Karahanî wina qedêna: “Nê çalakîyêke bîyê vera nê çalakîyan ra hetê dewlete ra yew gama neyînî nîyama eştene. No sebeb ra zî bi hûmareyê seyan ra dewijî nê waştişanê xo ser wekalete da Baroyî û doze kerda ya. Ma dewijî û heme aktîvîstê STK’yan taqîpkerdeyê na doze benê.”