Kampa Serdeştî de nêzdîyê 100 keyeyî amadekarîya xo kenê ke abigêrê qezaya Til Izêrî ya Şingalî.
Şarê Şingalî pêl bi pêlî agêreno warê xo. Dima ke bînayê xizmetî yê qezaya Til Izêrî zî temam bîyî asayîşê herême kewt binê kontrolê YBŞ-YJŞyî û Asayîşê Êzidxanî. Nê rojanê peyênan de 500 keyeyî agêrayî qezaya Til Izêrî ya Şingalî.
Na çarçewe de ewro bi desan keyeyan Kampa Serdestî ya Koyê Şingalî ra xo amade kerd ke abigêrê Til Izêrî.
Îdarekarê Sinûnî Xwedêda Çûkêyî ajansê Rojnewsî rê qisey kerd û ard ziwan ke bi hemkarîya tay dezgehanê merdimateyî û binê çimdarîya Neteweyanê Yewebîyayeyan de, ewro 89 keyeyî agêrenê ca û waranê xo yê Til Izêrî.
Xwedêda Çûkêyî venga êzidîyanê ke kampanyayê Başûrê Kurdistanî de manenê da ke wa abigêrê waranê xo.
