Balafireke Biçek a Bêmirov (SÎHA) ya Tirkiyeyê li navçeya Pênciwênê ya Silêmaniyê wesayîta sivîlan bombe kir. SÎHA’yê 3 welatî kuşt.
Li gorî nûçeya ROJNEWS’ê rêveberê bajarokê Nalparêz ragihand ku li ser rêya Pênciwên-Nalparêz wesayîtek hatiye bombebaran kir. SÎHA’yê di êrişê de 3 kesên di wesayîtê de kuşt.
Rêveberê bajarokê Nalparêz yê girêdayî navçeya Pênciwên ya girêdayî parêzgeha Silêmaniyê Hêmîn Îbrahîm ragihand ku li devera Pley Nalme ya sînorê bajarokê Nalparêz, Tirkiyeyê bi SÎHA’yê êrişî wesayîtekê kiriye û di êrişê de 3 kes hatine kuştin.
Di 9’ê tîrmehê de jî SÎHA’ya Tirkiyeyê li rêya Dûkan-Xelekan wesayîteke sivîlan bombe kiribû û welatiyekî sivîl hatibû kuştin. Du welatî jî birîndar bûbûn.
