Goreyê raporê Meclîsê Weşîya Karkeran û Asayîşê Karî (ÎSÎG) şeş menganê na serre de tewr tay 880 karkerî ameyî kiştene.
Meclîsê Weşîya Karkeran û Asayîşê Karî (ÎSÎG) raporê xo yê cînayetanê karî yê menga hezîrane de bale ante ser bêtedbîrîye û bêhuqûqîye ke dewam kenê. Goreyê raporî têna menga hezîrane de tewr tay 150 karkerdî bîyî qûrbanê cînayetanê karî.
Goreyê raporê ÎSÎGî şeş menganê verênan ê serre de tewr tay 880 karkeran dinyaya xo bedilnaye. Çele de 120, sibate de 213, adare de 130, nîsane de 122, gulane de 145 û hezîrane de 150 karkeran cînayetanê karî de dinyaya xo bedilnaye.
