Serokê HAK-PAR’ê Latîf Epozdemîr der barê bûyera qetilkirina Denîz Poyraz de ji ajansa Rûdawê re axivî. Epozdemîr di axaftina xwe de dayika Denîz Poyraz, Fehîme Poyraz ji kuştina keça xwe sûcdar kir û wiha got: “Çima HDP’ê roja cînayetê di xulekên dawî de civîna xwe betal kir? Gelo dema diya Denîz li şûna xwe keça xwe ji bo vekirina ofîsê şand haya wê jî pê hebû ku dê êrîş pêk bê an na? Rêveberiya HDP’ê agahiyeke bi vî rengî ji ku wergirt?”
Li ser vê yekê di çapemeniyê de û li ser medyaya civakî rexne û bertekên tund li Epozdemîr hatine kirin. Rojnameya Yenî Yaşamê nûçeya axaftinên Epozdemîr bi sernavê ‘Onur Gencerê HAK-PARî’ parve kir û li ser medyaya civakî jî Alîgirê Hevserok ê HDP’ê Tayîp Temel jî parvekirinek kir û wiha got: “Netewe û nasnameya nemerdiyê tune ye”.
