Rêxistina DAIŞî ya rojhelatê Afrîka da zanayene ke serkêşê Boko Heram Ebû Bekir El Şekwî ameyo kiştene. Goreyê malumatanê ke DAIŞî vila kerdo no kes pêrodayîşêk de bombe xo ser de teqnayo û netîce de xo kişto.
Ganê bêro vîrvistine ke reya yewino ke kiştişê Şekwî yeno parekerdene û hedîseyê winasî yê verê cû zî raşt vejîyayî. Na xebere sey venge hetê DAIŞî ra ameye parekerdene. Yeno vatene ke vengo ke ameyo parkerdene aîdê serkêşê Boko Heram Ebû Bekir El Şekwîyo. El Bernawî vano ke rêxistina ci waşto ke xo teslîm bikero û tobe bikero la o bombe xo ser de teqnayo û xo kişto. Rêxistina Boko Heramî heta nika derheqê babete de tu malumat nêdayo.
