Şêniyên Bakur û Rojhilatê Sûriyê berê xwe didin qada pîrozbahiyên Newrozê. Newroz îsal bi dirûşmeşya “Bi îradeya gelan em ê Newroza 2022`yan bikin Newroza azadiya Rêber Apo” li dar dikevin. Pîrozbahiyên Newroza îsal li 16 navendan tê li darxistin. Îro li Qamişlo, Dêrik, gundê Helîq ê Girkê Legê, Tirbepsiyê, Amûdê, Dirbêsiyê, Til Temir, Hesekê, Dêrazorê, Reqayê, Minbicê, Kobanê, Şehbayê, Helebê û heta Şamê Newroz pîroz dikn.
Ji saetên sibê ve, şêniyên Bakur û Rojhilatê Sûriyê bi cil û bergên kurdî berê xwe dane qadên pîrozbahiyên Newrozê.
Li kantona Qamişloyê şahî li 5 navendan li dar dikeve:
Qamişlo, li qada gundê Hîmo tê lidarxistin.
Dêrikê, li bendava Borzê û dê şêniyên Dêrikê, Koçerat û Beravê tev lê bibin.
Girkê Legê, li gundê Helîq û dê şêniyên navçeyên Girkê Legê, Çil Axa, Til Koçer û gundên girêdayî wê tev lê bibin.
Tirbespiyê, li beravê bendava Mizgeft tê lidarxistin.
Li navçeya Amûdê, li gundê Girê Mûza tê li darxistin û dê şêniyên navçeyê û gundên wê tevlê bibin.
Li kantona Hesekê şahî li 3 navendan li dar dikeve:
Hesekê, li bendava rojhilat
Til Temir, li Qesrik.
Dirbêsiyê, Li gundê Çol Bîstan.
Herêma Firatê:
Şahî li Girê Miştenûrê yê Kobanê li dar dikeve.
Herêma Efrîn:
Şahî li navçeya Ehdas a kantona Şehbayê li dar dikeve.
Herêma Heleb:
Şahî li Şiqeyêf li taxa Şêxmeqsûd li dar dikeve.
Li Şamê şahiyek li dar dikeve.
Tê payîn ku saet 11:00`an agirê Newrozê were dadan û piştre şahî dest pê bikin.
