Şandeya DEM Partiyê ku ji Pervin Buldan, Mîthat Sancar û Ozgur Faik Erol pêk tê, serê sibê ji bo bi Rêberê Gelê Kurd Abdullah Ocalan re hevdîtinê bike çû Girava Îmraliyê. Endamên şandeyê piştî li Îmraliyê nêzî 2.5 saetan bi Rêberê Gelê Kurd Abdullah Ocalan re hevdîtin kir, ji Îmraliyê vegeriya. Tê payin ku Abdullah Ocalan bi rêya şandeyê daxuyaniyeke dîrokî bide. Her wiha dê Endamên Şandeya Îmraliyê ya DEM Partiyê Pervîn Buldan û Mîthat Sancar sibe bi Serokkomar Tayyîp Erdogan re hevdîtinê bikin. Hevdîtin dê sibe li Qesra Serokkomariyê saet di 15.00ê de were kirin. Şandeya Îmraliyê dê beriya serdana Erdogan, bi Hevserokên Giştî yên DEM Partiyê Tulay Hatîmogûllari û Tuncer Bakirhan re hevdîtinê bikin.
Hêjayî bibîrxistinêye ku ji endamên Şandeya Îmraliyê Pervîn Buldan û Ozgur Faîk Erol herî dawî di 18ê Gulanê de çûbûn Girava Îmraliyê û hevdîtin kiribûn. Adullah Ocalan, bi rêya şandeyê daxuyanî dabû û gotibû ku pêdivî bi peymaneke civakî ya nû heye. Ji roja nîqaşên têkildarî çareseriya pirsgirêka Kurd dest pê kirin heta niha, Şandeya Îmraliyê 6 caran çû Girava Îmraliyê û bi Abdullah Ocalan re hevdîtin kir.
Li aliyê din, li bendê ye ku PKK li Herêma Federe ya Kurdistanê di çarçoveya banga Abdullah Ocalan de merasîma çekdanînê pêk bîne.
