Înîsîyatîfê Komunê Demokratîkî yê Şorişgêrî yê Ewropa ra Semra Uzunoke îqtîdaro kanperest ê AKP-MHPyî rexne kerd û wina vat: ”Seba ke îradeyê cuya şaran û kedkaran çin nêkero, seba ke Peymana Stenbolî abigêro, seba ke heqê xopawitişî yê cinîyan bimanê ma wazenê Ewropa û Tirkîya de raye bêra dayene Partîya Çep a Keske.”

Uzunoke vat: “Her prosesê weçînayîşî raşta zî zaf girîng o. Labelê wexto ke merdim rojdemê sîyasî yê 20 serranê peyênan ercneno vîneno ke nê weçînayîşî zaf girîng ê. Krîzo ekonomîk, komelkî û sîyasî nê weçînayîşan de xorin bîyo, rejîmê tekcamêrdî ver bi dîktatorîye şino.

AKP-MHP vera beşanê komelî şer keno. Vera feraseto ke bombayan varneno kurdan ser û serdestîya camêrdan weye keno, seba ke îradeyê cuya şaran û kedkaran çin nêkero, seba ke Peymana Stenbolî abigêro, seba ke heqê xopawitişî yê cinîyan bimanê nê weçînayîşan de ma wazenê Ewropa û Tirkîya de raye bêra dayene Partîya Çep a Keske.”