Rêxistina HDPyî ya Dêrsimî Meydanê Seyîd Rizayî de derheqê tepişîyayîşê Semra Guzele de eşkerayîya daye û wina vat: “Semra Guzele îradeyê ma ya.”

Rêxistina HDPyî ya Dêrsimî Meydanê Seyîd Rizayî de vera tepişîyayîşê Semra Guzele bi eşkerayîyêka çapemenîye nêrazîbîyayîşê xo mojna. Temsîlkarê partî û rêxistinan, Parlamenterê HDPyî Alîcan Onlu û xeylêk kesî tewrê eşkerayîye bîyî.

Nameyê Rêxistina HDPyî ya Dêrsimî ser o Besîme Goke eşkerayîye wende. Eşkerayîye de pankarta ‘Semra Guzele îradeyê ma ya’ ameye akerdene.

Goke da zanayene ke îqtîdarê AKP-MHPyî her ke şino hîna bi hawayêkê bêkontrolî hêrişê HDPyî keno û vat: “Îqtîdarî pê kerdişanê xo yê vera parlamentera ma Semra Guzele reyna mojna ke ê hînî kerdişanê antî-demokratîkan de sînoran nêdanê xo verî. Metodê tepiştişî û pêşkêşkerdişê dîmenanê tepiştişê Semra Guzele qelsîya îqtîdarî eşkera kenê. Bi nê hawayî tepişîyayîşê Guzele vera îradeyê şarî darbe ya. Şexsê Semra Guzele de şarê kurdî û demokrasî yenê hedefkerdene.”