Sekreterê Giştî yê Neteweyên Yekbûyî Antonio Guterres duh bi şev gihişt Bexdayê û li gel Wezîrê Karên Derve yê Iraqê Fuad Hisên civînek çapemeniyê lidarxist.
Di civîna çapemeniyê de Fuad Hisên der barê vê serdanê de axivî û wiha got: “Ev serdan li ser vexwendina me çêbû, spasiya Antonio Guterres dikin ji ber vexwendina me qebûl kir û hatina wî gelek giringe.”
Fuad Hisên diyar kir ku peywendiyên Iraq û Neteweyên Yekbûyî gelekî bihêze. Her wiha da zanîn fikir û nêrînên Guterres ji bo wan gelekî girîngin.
Piştre Guterres jî axivî û got: “Ji ber hatime Bexdayê keyfxweşim. Min çend carek din serdana Iraqê kiriye. Em ê bi hev re piştgiriya saziyên Iraqê bikin. Baweriya min bi gelê Iraqê heye ku wê bikare hemû astengî û zehmetiyan derbas bike. Ger derfet hebin ez ê serdana koçberên li kampên Herêma Kurdistanê jî bikim.”
Guterres diyar kir wî serdana kampên koçberan ên li Suriyeyê jî kiriye û rewşa wan destdaye ji bo vegerin Iraqê. Tê payîn Guterres di serdana xwe ya li Bexdayê de li gel her sê serokatiyên Iraqê (Serokwezîr, serokkomar, serokê parlementoyê) û aliyên siyasî bicive. Piştre jî serdana Herêma Kurdistanê bike û li ser mijarên siyasî ku taybetin bi Iraq û herêmê giftûgo bikin.
