Seba ke PKK mîyanê lîsteya terorî ra bêro vetene yeno waştene ke bi mîlyonan îmza bêrê komkerdene.

Seba ke PKK mîyanê lîsteya terorî ra bêro vetene rayberîya Înîsîyatîfê Edaletî yê Kurdan ê Mîyanneteweyî de 13ê kanûne de kampanyayêke dîyaye destpêkerdene. Kampanya do warê mîyanneteweyî de bêra kerdene. 30 welatan ra bi hezaran kesayetê namdarî morê xo danê binê kampanya.

Goreyê agahîyanê înîsîyatîfî her kes eşkeno tewrê kampanya bibo. Kampanya serê keyepelê înternetê (https://justiceforkurds.info) de dîyaye destpêkerdene. Kampanya do Amerîka, Kanada û Avusturalya de bêra kerdene. Çarçewa kampanya de merkezê komelê kuran do bi rolêkê aktîfî têbigêrê. Na çarçewe de standî do bêrê akerdene û îmzayî do bêrê arêdayene.

Ame parekerdene ke kampanya bena ke bi heman hawayî dewam bikera. Armancê kampanya arêdayîşê 4 mîlyonan îmzayan o. Îmzayî do pêşkêşê Konseya Ewropa û dezgehê Amerîka bêrê kerdene. Nê îmzayî do wekîlan rê bibê referans û bi nê hawayî babete bikerê rojdemê parlamentoyî.

Înîsîyatîf wazena bahaneya ‘lîsteya terorî’ ya hêrişanê dewleta tirke wa bêra wedaritene. Dewleta tirke Mexmûr, Şingal û Rojawan de PKK xo rê kena bahane û hêrişan kena. Înîsîyatîf seba şiknayîşê bêvengîya hêzan ê mîyanneteweyîyan, betalkerdişê lîsteya terorî girîng vîneno. Eke PKK lîsteya terorî ra bêro vetene seba kurdan berê edaletî do abibo.